Ibalik ang Likas na Kalikasan

(Sinulat na ni Kaka Alih-para sa Programang “Bantay Bayan Boses ng Sambyanan” sa segement na “Bantay Kalikasan” July 16, 2008)

Ang pag-uusapan natin sa araw na ito ay tungkol sa Kalikasan. Hindi ba  sa tuwing maririnig  ng ating pandinig ang salitang ito, nalalarawan agad sa ating isipan ang isang malaparaisong kapaligiran?. Mga iba’t ibang nilalang na hitik sa kagandahan, samu’t saring buhay na naninirahan sa malaparaisong kaharian.

Ang lahat ay hahanga sa ganitong tanawin, hindi ba? Paano nga ba hindi ka  mahahalina sa, gayong alam mo na taglay ng kalikasang ito ang lahat ng kanyang mga pangangailangan upang mabuhay sa mundo na kanyang ginagalawan? Dito ay sagana sa mga likas ng yaman, mga kamangha mangha na tanawin na nagbibigay ginhawa at  nagpapangiti sa atin. Bagay na masasabing walang kapantay na ipinagkaloob sa atin ng Panginong Lumikha (Allah)  dahil sa kanyang dakilang pagmamahal  sa tao, sa lahat ng kanyang nilanlang dito sa sansinukob.

Ang tao, siya nga ba ang dahilan kung bakit nagkaroon ng pagbabago ang buong sanlibutan? Sa ating kalikasan?

Nakakalungkot mang isipin ngunit kung ating mamasdan ay isang ganap na pagbabago ang bumabalot sa mundo at sa ating napakagandang kalikasan, at ang katotohanang ito’y ‘di lingid sa ating kaalaman. At ang katotohanang, isa tayo sa mga saksi, saksing nagbubulagbulagan sa kasalakuyang narararanasan ng Inang Kalikasan. Tao ang nagging dahilan ng unti-unting pagkasira ng ating kapaligiran.

Ang tanong ko sa mga giliw na nakikinig, Papaano,   nga ba humantong sa ganitong kalagayan ang ating kalikasan? Ito ba ay dahil   sa pagbabago; mga pagbabago sa mga bagay-bagay dahil sa natatanging kaalaman ng tao? Kaalaman ng tao na siya ring bumabago sa mukha ng kalikasan?

Nariyan ang mga makabagong paraan ng paghahanap buhay gamit ang mga makabagong teknolohiya. Mga makabagong teknolohiya na siya ring nagdudulot ng polusyon sa mga tubig at hangin. Kabilang din ang pagtaas ng bilang populasyon kasabay din ang pagdami ng mga umaasa sa mga kayamanang galing sa kalikasan. Ngunit nakakalungkot ding isipin na minsa’y napapabayaan natin ang pagpapahalaga sa ating mga pinagkukunan ng ating mga pangangailangan, partikular na ang mga kagubatan at ang mga buhay na nakapalood dito.

Sa kabila ng pakikinabang ng tao, ang pang-aabuso ay nariyan na minsa’y tayo rin ang naapektuhan. Sana’y maramdaman din natin na ang kalikasan ay may napakahalagang papel sa ating mga tao. May buhay na kailangang pag-ingatan upang mapanatili ang maayos na sistema sa bawat bagay sa mundong ito na may kanya-kanyang ginagampanan.

Ayong Jess Geralino sa programang Usaping Bayan…”Sana huwag nating hayaan humantong sa pagkakataong maranasan ang galit ng kalikasan  subukan nating gumawa ng mga paraan kung paano mapapanatili ang magandang relasyon ng tao sa kalikasan”.

Hindi pa huli ang lahat upang tayo’y magkaroon ng mga hakbang upang maibalik ang unti-unting pagkawala ng sigla at kagandahang taglay ng “Inang Kalikasan”

Sana’y huwag nating ipagdamot, sanay huwag tayong magtulog-tulogan na masilayan pa ang kagandahang taglay ng kalikasan para sa ating mga susunod pang henerasyon at para sa mga buhay ng bagong kinabukasan!

Baha na Naman?

(Balita-  Kaka Alih - July 15, 2008-Martes) 

 Nuro, Upi…..Nagsimula na naman tumaas ang tubig sa Nuro creek, kaninang bandang tanghali, dahil sa sandaling may kalakasan ng ulan  kasabay ang ulat na may bagyong Helen na tatama sa hilagang Luzon.

Ayon sa mga residente ang isa sa mga dahilan kong bakit konting ulan lamang ay tataas na ang tubig sa Nuro Creek ay dahil sa mga basura na itinatapon ng mga mamayan na naanod sa ilogn, mga punong kawayan, at punong kahoy na nakahambalang at humaharang sa daluyan ng tubig.

Bandang hapon pumunta sa himpilang DXUP FM sa programang Bantay Bayan (na anchor nina Vice Mayor Abdullah Salik Jr Al Haj, Station Manager Mario G. Debolgado at Jose Gersalino) ang isang Ginang, si Arlyn Dela Cruz na humihingi ng tulong sa LGU na maialis ang kumpol na punong kawayan na nakaharang sa ilog ng Nuro.

Nangako ang anchor ng programa na si Jose Gersalino  na ipaparating sa enginnering department ang nasabing problema.  

“Noon pa man ay sinasabi na ng mga “Enviromentalist” na dapat lininisin na ang mga ilog tulad ng Matuber upang maiwasan ang baha”. ito ang  comment ni Ginoong Gersalino.

“…Pinapayuhan ang lahat na malapit sa ilog na maging vigilante..sa muling pagbaha” dagdag pa ni Gersalino.

Noong June 21, 2008 ay binaha ang Barangay Nuro, Borongotan, Blensong at Nangi dulot ng malakas dahil sa bagyong Frank.