Religious Sector , umapila sa GRP-MILF na muling buksan ang Usapang Pangkapayapaan

(Balita ni  Lenyrose Bajar- August 15,  2008-Biyernes)

Nuro, Upi. Shariff Kabunsuan…Nagpalabas ngayon ng statement ang Catholic Religious Organization sa Mindanao particular ang Jesuits, Oblate of Mary Immaculate at Marist Brothers Educational Institution  na umaapila sa GRP at MILF para sa muling pagbubukas ng usaping pangkapayapaan.

Nababahala  ang nasabing grupo sa pagtaas pa ng bilang ng mga apektadong mga indibidual  na umaabot na 150,000. Hinimok din nito ang mga Civil Society Organization, Religious Organization at Peace organizations na tumulong sa paglalatag muli ng usaping pangkapayaan.

Panunumpa ng Ranao Business Chamber: Ginanap sa Upi Conference Hall

(Balita ni   KakaAlih- August 15,  2008-Biyernes)  

Nuro, Upi. Shariff Kabunsuan…Nanumpa sa  tungkulin ang mga opisyales ng Ranao Business Chamber. Ito ay Isinagawa sa Municipal Conference Hall nitong August 14, 2008 .

Pinapanumpa ni Upi Mayor Ramon Piang Sr. ang mga official ng naturang organization na sina: Omar Mustapha bilang presidente, Amir Sulaiman- Vice president, Gamal Barabadan Secretary  ,Ustadz Abdulatif Disimban Treasurer ,Abraham Ibrahim Auditor,  Baginda Barabadan Business Manager-Asdawi Sarip P.I.O, Basser Salipada, Jamal Bauti,Madid ampuan bilang mga Sgt.@ Arms at mga Advisers ay sina: Aratuc Dizo,Mahid Pidtailan,Talib Matanog,Ustadz Omar Abdulrahman at Makanaik Sarip.

Pinayuhan naman ni Vice Mayor Abdullah P. Salik Jr. Al Haj na iregister sa Security Exchange Commission  (SEC) at ipa-accredit sa LGU Upi ang naturang organization, upang lalong mapagtibay ang pagtutulungan sa pamahalaan.

Sa live interview sa DXUP FM sa vice president na si Amir Solaiman ay naitatag ang nasabing samahan noong Agosto 8, 2008.

Ang Ranao Business Chamber ay samahan ng   mga negosyanteng Meranaw sa bayan ng Upi na ang layunin ay upang  isulong ang tamang pangangalakal na naayon sa katuruan ng Islam.

Kabilang din mga dumalo sa okasyon ang ABC President Datu Michael Sinsuat I, Kagawad hadji Guiamel Abutazil, Kagawad Benjamin Suenan at KagawadKalima O Gunsi, na pawang nangako ng suporta sa ikakatagumapay ng naturang samahan.