Nuro, Upi (Sept 5)..Nagpaabot ng hinaing o reklamo  ang mga vendors sa pamilihang bayan sa Lokal na pamahalaan ng Upi . Sa panayam ng DXUP FM ngayong umaga , kay  Sadat Dagadas   Fish Vendor Section President– problema umano nila ang mga nagtitinda ng mga isda na mula pa sa Lebak, Sultan Kudarat,  sa labas ng pamilihang bayan.

“Sana, ditto na sila mag-display ng kanilang mga isda sa loob ng palengke para naman patas ang pagtitinda”. Hinaing ni Dagadas

Ayon naman kay Inday Faldas Sioson hinaing  naman nila mula sa vegetable section ay ang di agad na nahahakot na basura.

“Nangangamoy kasi itong mga basura  kapag hindi agad nahakot,” pahayag ni Inday.

Ayon naman  kay Lot Bandara, isa namang ng dried fish vendor:  “… tumutulo ang tubig kapag uumulan at ditto naiipon sa gitna ng flooring, kaya parang basakan o fishpond na ang aming mga puwesto.”  

Inireklamo din ni Bandara na sa tuwing Sabado ay maymga nagtitinda ng bulad sa may kalsada ng Edwards Street, na dahilan na hindi pumasok ang mga namimili sa loob ng pamilihang bayan.

Inaasahan naman ng mga vendors na maakasiyunan ng Lokal na pamahalaan ang kanilang hinaing sa pamilihang bayan.

Samantala  sa garbage updates naman, ni Patrol 1 (Alih Anso), ay naiulat ang mga tambak –tambak na basurang nangangamoy na hindi  nahahakot mula noong araw ng Sabado.