(October 7, 2010 - Script na sinulat ni Alih Anso para sa programang “Buhay –buhay sa DXUP” (7:00-8:00 A.M) sa segment na “Nakaka”. Host Lenyrose Bajar Sunio)

Lenyrose: – “Usaping sa K plus 12 alam mo ba  ito? Samahan kami sa inyong programang buhay buhay sa DXUP dahil ito ang tatalakayin ni Kaka Ali sa ating segment na nakaka ngayong umaga, kaya samahan kami….”

(Play- Intro-Nakaka)

Kaka Alih: Nitong mga nakaraan mga araw ay naging malaking usapin ang pag-aaral ng mga anak natin.. kong papaano lalo pang uunlad o magging quality ang edukasyon natin sa ating bansa..

Narito ang ilang balita tungkol sa K+12 ng DepEd:

“muling itinulak ng Kalihim ng Edukasyon (DepEd)  na si  Armin Luistro ang usapin sa pagdaragdag ng dalawang taon sa basic education.

Inilabas ng DepEd ang resulta ng inisyal nilang pag-aaral para sa “K+12 Program” kung saan lumilitaw na may pangangailangan talaga para sa dagdag na taon ng pag-aaral.

Nakapaloob sa proposal na “K-6-4-2 Model” na ang isang mag-aaral ay dadaan sa isang taon sa kinder, anim na taon sa elementary, apat na taon sa “junior high school” at dalawang taon sa “senior high school”.

Ang huling dalawang taon ay gugulin sa pagma-master o espesyalisasyon ng estudyante sa mapipiling aralin.

Ayon kay Luistro, ang mga benepisyo sa dagdag na 12 taon ay mapapaluwag ang workload sa mga aralin, magkakaroon ng sapat na kakayahan ang mga graduates para makapagtrabaho, mas magiging handa sa kolehiyo, makahanap ng trabahong may mataas na sahod, magiging handa sa trabaho sa ibang bansa at makakasabay ang Pilipinas sa international standards sa edukasyon.

Ang reaction na nakalap natin sa mga forum at iba pang website:

“Hindi rin nito maitataas ang kalidad ng edukasyon sa pampublikong mga paaralan, sapagkat hindi pagdaragdag ng taon  ang sagot sa mababang kalidad, kundi ang buong-buong pagpopondo ng gobyerno sa pampublikong edukasyon. Hanggang walang sapat na gusali, upuan at libro, sira-sira ang mga pasilidad at hindi  sapat ang pagsasanay at pagsasahod ng mga guro, walang  pag-unlad ng kalidad ng edukasyon na maaasahan.”

“Dapat  subject ang idadgdag na  may kaugnayan sa Agriculture, science and technology at vocational trade na kahit na di mag college ang bata ay matatanggap sa trabaho.”

“Dapat bawasan yung mga subject na di kailanggan…”     

“Itaas ang antas ng kalidad…. ibig sabihin dapat malaki ang matutunan ng bata at ito ay sulit sa performance ng teacher.”

“Naku ginawang rason pa nila na,  tayo na lamang daw na bansa ang hindi nagpapatupad ng 12 years cycle sa education.. eh kung manggagaya na lang man tayo e di gagayahin na lang din sana ang pag tutupad ng EQUAL EMPLOYMENT OPPORTUNITY ACT regardless of AGE, sex at iba pa. dahil tayo na lang po na bansa ang di nag papatupad nito… mas malaking katugunan ito sa paghaon ng kahirapan  ng mga mahihirap kesa sa dagdag na taon sa edukasyon.”

“……napakalungkot po na di nga matutugunan ang kakulangan ng mga silid aralan at kakulangan ng mga guro… ito pa ang kinakasa ng DepED. mas mabuti siguro ipakita muna nila ang kanilang kakayahan na tugunan ang mga kakulangan na ito bago sila mag ambisyon na dagdagan ng 2 taon.

“….ang mga guro po niyo mahal na DepED Secretary ay di lang KULANG sa dami pero kulang din sa pag UPGRADE ng tamang kaalaman sa pagtuturo. Dapat po na uunahin niyo na tugunan ang mga ito…”

Sabi naman ng isang nanay na taga Upi: “ ….ibig sabihin niyan Kaka dadag budget sa baon ng aking anak, biruin mo 2 taon, baka hindi na makapagtapos anak ko”.

“Tama lang iyan, Quality an gang kailangan hindi quantity”.  Pagtatanggol naman ng isang retiradong guro.

Para sa akin ang sigorado dito na sasangayon ka kaibigan, dagdag na budget para sa silid aralan, na dati ng kinukulang, dagdag na budget sa suweldo para sa mga guro, na mayroon pa rin hanggang ngyon hindi nakukuha ang suweldo, lalo yaong mga  contractual na guro sa Maguindanao.

Kayo na mga magulang pabor kayo o hindi?

Ito ang inyong kapatid na si Kaka Ali, sukran Wasallam…