Maibabalik Pa Ba ang Sex Life?

 (July 27,  2011 -Miyerkules- Script na sinulat ni Alih Anso para sa programang “Buhay –buhay sa DXUP” (7:00-8:00 A.M) sa segment na “Nakaka”. Host Nancy Lawan)

Host/Nancy:, Nawalan na ba ng sigla ang inyong sex life? but don’t worry pwede pa daw ibalik ang sex life o sigla ng pagkalalaki, tiyak ko maraming naghinintay ng ganitong balita, samahan ninyo kami ni Kaka Alih, para malaman ninyo..

(Play- Intro-Nakaka)

Host/Nancy:  Magandang umaga, Kaka Ali.   

Kaka Ali:   Maraming salamat Nancy at Magandang umaga . Assallamu alaikum WW.    

Alam mo Nancy, ayon kay Dr. Willie T. Ong isang manggaamot at manunulat sa isang kilalang diyaryo. Maraming nagtatanong daw kay Doc.   kung paano maibabalik ang sigla ng kanilang sex life. Alam mo Simple lang ang sagot ni Doc:

“ ….dapat mag­karoon ng maayos na pamumuhay. Iwas sigarilyo at alak. Huwag masyadong magpataba. At kung may alta­presyon, diabetes o high cholesterol, kailangan itong ma-kontrol ng diyeta at gamot para hindi masira ang inyong sex life.”

May hirit pang tanong kay Doc:

“..Dok, may nabalitaan akong pampalakas daw sa sex. Mareresetahan mo ba ako?”

Alam mo Nancy natawa ako sa sagot ni Doc Willie.

“Eh kanino mo ba balak makipagtalik?”

Tama ka Doc, eh matanda na si Mrs, bakit kailangan pa niya ang malakas na sandata  (LAUGHING)  dapat talagang masigoro kong saan niya gagamitin ang magandang sandata, baka makasuhan siya ng “illegal possession” (LAUGHING)  Mukhang yatang hindi alam ni misis ang masamang balak ni Mister.

Pero ayon kay Doc Willie,   totoong may mga gamot na pampalakas at pampatigas kay “manoy”  na hindi na kayang tumayo. (LAUGHING)  Alam ba ninyo na  kadalasan daw ay mga dia­betiko o diabetes o ’yung mga may edad na ang nangangailangan nito.

Heto ang mga gamot na sinabi ni Doc.  Halimbawa ay  ang Andros, Viagra, Levitra at Cialis. Ayon kay Dr. Eduardo Gatchalian, isang tanyag na urologist, halos pare-pareho ang bisa ng mga gamot na ito,  ang pinakamura sa apat na ito ay ang Andros, na gawa ng Unilab. Ang generic name nito ay Sildenafil. Marami na ang napaligaya dahil sa gamot na ito.

Iniinom ang Andros isang oras bago makipagtalik at tatagal and epekto nito ng apat na oras. Ang Andros 50 mg ay nagkakahalaga ng P220, kumpara sa ibang mga gamot na umaabot sa P550.

May tanong ba kay Doc:

“Puwede bang uminom kahit walang impotence?”

Ang sagot ni Doc ay:  

“Ang masaklap na sagot ay “Oo.” Kahit normal ka ay puwedeng mapatagal ang pagiging matigas ng ari. Mapapaikli rin ang tinatawag na refractory period. Ang ibig sabihin nito ay pagkatapos mag-orgasm ang lalaki, mas maikli ang hihintayin na panahon para manumbalik ang lakas mag-sex.”

May tanong pa:

“May tulong ba ang Andros sa kababaihan?”   

Ayon kay Dr. Gatchalian, “Baka mayroon kaunti.” Ito’y dahil mapapadami nito ang agos ng dugo sa bahay-bata ng kababaihan. Ngunit hindi pa rin namin ito pinapayo. Huli sa lahat, kung ikaw ay may matinding sakit sa puso, bawal gumamit nito. Kumunsulta muna sa isang espesyalista sa puso.

Sabi ng misisni Doc Willie    na si Dra. Liza, “…dapat ay payu­han ko rin ang mambabasa na maging tapat sa asawa. Dahil kapag mahuli ka ni misis, eh patay kang bata ka. Marami ang puwedeng maputol sa inyong pagsa­sa­mahan. Ingat!”

Dagdag kaalaman pa rin mula kay Doc Willie Ong:

“Kung sakali lang na may na­putulan ng ari, kunin agad ito at ilagay sa plastic na may yelo. Dalhin agad sa Emergency Room at maaari pa itong maidug­tong ng mga siruhano. Bili­san lang ang pagdadala sa ER! Emergency room…(LAUGHING) 

Ulitin ko ang payo ni Doc willie Ong:

“ ….dapat mag­karoon ng maayos na pamumuhay. Iwas sigarilyo at alak. Huwag masyadong magpataba. At kung may alta­presyon, diabetes o high cholesterol, kailangan itong ma-kontrol ng diyeta at gamot para hindi masira ang inyong sex life.”

Ito  ang  inyong Kaka Alih, sukran  Wassalamu Alaikum Warahamtulahi Wabarakatu.

Nancy/Host: Mga giliw naming  nakikinig,  sa isa namang Nakaka mula kay Kaka Alih, bukas  muling , abangan  ang  mga Nakaka mula sa ating segment writer na si  Kaka Alih.

(PLAY-NAKAKA)