Matatag na Pamilya  Kaagapay ng kaunlaran

(Sept 2,  2010-Biyernes  script na sinulat ni Alih “Kaka Ali” Anso,  para sa programang “Buhay –buhay  ” (7:00-8:00 A.M) sa segment na “gabay at talakayang pampamilya”. Host –Noralyn Bilual)

Host: “Ang kaunlaran ng bayan o bansa ay malaki  ang ginagamapanan ng bawat pamilya, kaya naman kapag matatag ang mga pamilya sa isang pamayanan ay asahan mong isa na ring itong maunlad na  pamayanan. Kaya naman sa   ating segment na gabay at talakayang pampamilya, ay  tatalakayin ni Kaka Alih ang: “Matatag na Pamilya  Kaagapay ng kaunlaran”.

(PLAY INTRO-GABAY PAMPAMILYA)

Host /Noralyn:   Magandang umaga at Kapayapaan Kaka Ali. Kumusta ang aming nagsisilbing magulang?

Kaka Alih: Insha Allah It’s fine my partner,   Assallamu alaikum Warahmatullahi Wabarakatuh, sa mga kapatid na nanampalataya, at magandang umaga nanay, ate.

Alam mo Noralyn,    mahalaga ang pamilya,  dahil ito   ang sentro ng ating lipunan. Ang isang barangay ay binubuo ng maraming  pamilya. Kung walang mga pamilya walang barangay, walang bayan, walang lungsod, walang probinsiya, walang rehiyon at walang bansa. Nabuuo ang isang bansa mula sa pinagbuklod-buklod na probinsiya. Ilan lamang  ito sa  kahalagahan ng isang pamilya. Kapag mahihina ang pamilya ng isang bansa, ay mahina  din ang bansa.

Noralyn:  “Papaano ba ang pagbubuo ng isang matatag na pamilya? 

Kaka Alih: Bago natin sagutin ang pagbuo ng isang matatag na pamilya ay liwanagin muna natin ang  kahulugan ng tinatawag na pamilya.   Nor, paki-explain what is pamilya?

Host /Noralyn:   Simple lang  Kaka: Ang sinasabing pamilya ay si Tatay, nanay, si ate, si kuya at si bunso, equals isang pamilya”

Kaka Alih: Tama ka Nor, , ang  pamilya ay binubuo ng tatay, nanay o mga nanay ((LAUGHING), si ate si Kuya si Bunso.. plus plus pa..kong masipag si tatay. (LAUGHING).

Matatagpuan sa buong mundo ang maraming matatag na pamilya.  Maaaring mayaman o mahirap ang mga pamilyang  ito.  Maaaring iba-iba rin ang pagkakabuo nila, halimbawa: isang ina, ama, at mga anak; o isang ina na may isa o higit pang anak; o  mga lolo’t lolang kasama ng kanilang mga anak at apo, o mag-asawang walang anak.

 May mga taong naniniwalang ang isang pamilya ay tulad sa isang   kahong puno ng mga bagay na ipinasok ano gusto mo, nakapaloob dito ang  pagmamahal, katuwaan, kaligayahan   at iba pang magagandang bagay. Ito ay isang kahong mabubuksan kailan mo.

Ngunit lalong mainam na ihalintulad natin ang  pamilya sa   walang lamang kahon.  Nagiging maganda at makabuluhan ito batay sa kung ano ang ginagawa natin dito. Kong ano ang gusto mong laman, ay siya mong ilagay.  Ang ibig sabihin nasa iyo nakasalalay ang kinabukasan ng iyong pamilya.

Kailangang sidlan muna ito ng laman ng mga tao bago may makuhang anuman mula rito. Kung nais natin ng pagmamahal at katuwaan sa ating mga pamilya, kailangang magtanim muna tayo ng pagmamahal, paglilingkod at paghikayat sa isa’t isa. Kailangan punuin natin ang kahon, at huwag nating ilabas ang laman nito.

Sabi nga nila ang matatatag na pamilya ang pundasyon ng lahat ng dakilang bansa. Anong say mo nanay? 

May natatandaan ako na   payo  ng isang tagapayo ng paaralan: “Kung kailangan nating lumaking malulusog at maliligaya ang mga anak natin, mahalagang magkaroon tayo ng matatatag na pamilya”.

Noralyn: Kaka Alih, matanong ko lang, ano ang  kailangan sa pagbubuo ng isang matatag na pamilya?

 Kaka Ali: Noralyn,  para maging matatag ang pamilya, kailangang mo ang mga  katangian na  ito:

1. May pananagutan ka sa iyong pamilya.

Makatutulong tayong lalong mapatatag ang pamilya sa pagkakaroon ng pananagutan sa isa’t isa,  sa pagiging tapat, sa pagsasama-sama bilang isang grupo, at sa pag-aalaga sa isa’t isa.  Maraming paraan para maipakita ang pananagutan at mapanatiling ligtas, malusog at maligaya ang pamilya.  Halimbawa ay:

• Maging tapat sa inyong pamilya. Sa puntong sekswal, maging tapat sa kapareha. Bawasan ang mga aktibidad sa labas at gumugol ng mas maraming oras sa piling ng iyong pamilya;
• Tuparin ang mga pangako sa mga miyembro ng pamilya.
• Maging maaasahan.  Tumawag o magtext  sa bahay kung mahuhuli ka ng uwi lalo na kong hindi makabalik sa takdang araw ng pag-usi mula sa trabaho.
• Kung naglakbay ka sa malayo, huwag din kalimutang tumawag at huwag mangingiming  magsabi ng  “mahal kita ikaw lang babae sa aking puso” (PLAY LAUGHING)
• Kapag may problema,  dumulog  sa isang kamag-anak, kaibigan   , para matulungan kayong harapin ito.

2. Katangian na may pagpapahalaga sa kanyang pamilya

Ipakita  pagpapahalaga sa pamilya sa pamamagitan ng mga salita at gawa, sa ganito ay naipakikita natin sa ating pamilya na pinahahalagahan at itinatangi natin sila. 

• Sabihin sa isang miyembro ng pamilya na siya ay mahal mo.
• Kilalalanin ang katangian ng membro ng pamilya. Purihin ng  positibo sa bawat miyembro ng pamilya araw-araw.
• Dalasan ang pagyakap sa mga miyembro ng pamilya, Ikaw tatay lalo na kay Nanay (PLAY LAUGHING).
• Tulungan ang isang miyembro ng pamilya sa kanyang gawain ( pagliligpit, paglalaba,  

3. Pangatlong katangian ay umaagapay sa pamilya.

Alalahanin walang pamilya ay hindi nagkakaroon ng  problema.  Ngunit gamitin ang problemang ito   para maging lalong matatag ang samahan ng pamilya at maging dam para mapalapit sa isa’t isa.  Kaibigan, makinig ka,  kung medyo babaguhin natin ang ating pag-iisip, makikita nating ang krisis ay isang oportunidad para maging matatag. 

Pwede mo itong subukin para isolb ang problema ng iyong pamilya:

• Mag-isip ng anumang mabuti, gaano man kasama ang sitwasyon.

• Kunsultahin ang iyong pamilya, magsagawa ng Maswara o meeting.  Sa pamamagitan ng pagsasama-sama ay  malalagpasan ng  pamilya ang kahit pinakamahirap na problema.
• Harapin ang mga problema nang dahan-dahan.  Gumawa ng listahan ng mga bagay na dapat gawin at isa-isang asikasuhin ito.
• Mag-ehersisyo para mawala ang tensiyon at matulungan kayong magrelaks.  Gawin ito nang magkakasama bilang isang pamilya.

Kapamilya  muli  kaming samahan   sa ating segment na gabay pamapamilya.. sa programang buhay-buhay  sa Lunes, at asahan  ninyong lalo pa nating paiigtingin   ang pananaliksik sa papaano patatagin  ang pamilya  ..

Ito ang inyong kapamilya, ang inyong segment writer/reporter si Kaka Alih. Wasallamu Alaikum Warahmatullahi Wabarakatuh.

Noralyn: Inyong narinig ang amang may pagpapahalaga sa kanyang pamilya, ikaw kaibigan,  tinutulungan o umaagapay ka rin ba sa  inyong pamily? kong wala pa, hindi pa  huli  ang lahat..may pagkakataon  ka pa upang lalong papatagin  ang pundasyon ng inyong pamilya. sa muli abangan ang ating segment na gabay at talakayang pampamilya sa Lunes.

(PLAY-EXTRO )